Bonzënnen Bonzuewen

The power of stories

Mir hunn eis zum Zil gesat fir e positiven Impakt op d’Gesellschaft an eis Emwëlt ze hunn. An dëst mache mir duerch Geschichten! Geschichte lauschteren, liesen, erfannen, erzielen, spillen, schreiwen oder esouguer danzen: all dëst dréit dozou bäi dass mir eis op maachen fir di aaner Menschen an der Gesellschaft an awer och fir d’Natur.

Stories create communities
Anonymous

Mir bidden Iech eng Plaz fir Iech Zäit fir är Geschichten ze huelen. Fir Iech selwer, a fir Är Kanner. Entdeckt oder erfannt zesumme Geschichten. Mir hëllefen Iech dobäi, sief et dass mir Iech d’Geschicht virliesen, oder Iech Material gi fir d’Geschicht no ze spillen, oder zesumme mat Iech Geschichten erfannen.

Och als Erwuessenen ass een hei wëllkomm. Mir gleewen, dass Geschichten e wichtege Bäitrag zur Integratioun an Inclusioun an eiser Gesellschaft kënne leschten.

Geschichten hu net nëmme Mënschen, mee och Objeten déi si mat Mënsche verbannen. Esou hu mir (och fir den Impakt op d’Natur ze minimiséieren) bal exklusiv gebrauchte Miwwel a Wuer an do wou mir zur économie circulaire kënne bäidroe maache mir dat. Mir ënnerstëtzen d’Aarbecht vun soziale Wierker a lokale Kënschtler a sinn op fir Kooperatiounen.