Dem Potty Lotty säi Geschichtecafé
Wat kann een hei maachen?
Hei kann ee liesen, lauschteren, molen, schreiwen a spillen! Am beschten zesummen, mat de Frënn, de Geschweschter, de Grousselteren oder den Elteren.
Mir bidden Liesungen, Workshops a Liesclubs fir Kanner un, hunn 2 immersiv Liesräim, eng Kanner Tauschbibliothéik an e klenge Buttek fir Erzielaccessoiren. An ausserdeem duerf Dir während deems och e gudde Kaffi oder Téi genéissen, genau wéi an engem „normalen“ Café. Just bei eis gëtt et keen Alcohol.
Mir bidden Iech eng Plaz fir Iech Zäit ze huelen. Fir Iech selwer, a fir Är Kanner. Entdeckt oder erfannt zesummen Geschichten. Mir hëllefen Iech dobai, sief et dass mir Iech d’Geschicht virliesen, oder Iech Material ginn fir d’Geschicht no zespillen, oder zesummen mat Iech Geschichten erfannen.
Mir hunn Erzielkëschten, Gesellschaftsspiller, e Schattentheater, e Marionnettentheater e Kamishibai, a vill Blieder fir ze molen an ze schreiwen.
Bei eis sinn och Schrëftsteller wëllkomm fir hir Wierker virzeliesen an Illustratoren wëllkomm hir Biller auszestellen.
Eise Café: bio a lokal
Eis Produiten am Café sinn esou wäit et geet bio a virun allem lokal. Mir si frou Iech den Téi an de Schokola vum Tricentenaire, de Kaffi vun Patrice Coffee an d’Kuchen am Glass vun Op der Schock, de Jus, de Sirop an d’Gebees vun der Eppelpress kënnen un ze bidden. Eist Brout kënnt vum Bäcker vu Veianen, Au Croissant d’or.
Ween ass d’Potty Lotty?
D’Potty Lotty as eng Kreatioun vum Charlotte Reuter. Sie liest fir hirt Liewe gäre Kannerbicher an ass schonns di läscht 3 Joer hei zu Lëtzbuerg mat hirem Liesprojet ënnerwee. Elo ass hat och am Bonzennen Bonzuewen doheem. Esouguer seng Schlappen huet hat a sengem Salon prett gestallt. Gäre kënnt awer nach bis an d’Schoulen op Besuch.
Hei ginn et weider Informatiounen: http://www.pottylotty.com.
Just fir Kanner?
Nee, de Bonzënnen Bonzuewen ass net just fir Kanner! Och als Erwuessenen ass een hei wëllkomm. Mir gleewen, dass Geschichten e wichtege Bäitrag zur Integratioun an Inclusioun an eiser Gesellschaft kënnen leschten. Esou wäerten och interkulturell an intergenerationnell Projeten ugebuede ginn esoubal déi sanitär Situatioun dëst zouléist.
Stories create communities ass eis Philosophie!
Wéi geet dat elo während der COVID-19 Pandemie?
Momentan muss de Café zoubleiwen. Et kann een awer ee vun de Säll reservéieren fir de private Gebrauch mat der Formule „Lies a Spill“ .
Mir huelen maximal 4 Leit (oder 1 Haushalt) pro Sall** un. Op all Dësch ass Desinfectant. No all Reservatioun gëtt gutt gelëft.
All Buch, Spill a Material kënnt nom Gebrauch a „quarantaine“ vir 3 Deeg. Wéi an all Café huet d’Personal d’Mask ëmmer op an de Client muss d’Mask op dinn wann en am Haus zirkuléiert.
D’Tauschbibliothéik an de Buttek sinn wéi normal op.
Eis Säll
De Café (bis zu 5 Leit)
Eng gemittlech vintage Couch mat engem Kannerschaukelstull oder ee groussen Dësch mat Kannerstillchen. Den heiten Espace ass d’Entrée fir an d’Haus.
Dem Potty Lotty säi Salon (bis zu 16 Leit)
Gemittlech Fautellen oder ee groussen Dësch fir eppes ze spillen. Mat engem Plakkespiller fir Märercher ze lauschteren.
De Butzesall (bis zu 4 Leit)
2 Fautellen an 1 Zelt fir sech drann ze verstoppen plus passend Bicher a Spillsachen fir d‘Butzen bis 2 Joer.
De Bëschsall (bis zu 4 Leit)
Loscht d’Villercher ze lauschteren? Dann installéiert Iech un den alen Cafésdësch fir ze liesen, spillen oder eppes ze schreiwen. Hei kanns du eng aal Tippmachine oder Kalligrafie probéieren.
De Plagesall (fir 2 Leit)
D’Schung aus an an d’Hängematt! Oder an de klenge Liegestull. Op alle Fall Zäit fir ze dreemen oder iwwert exotesch Länner ze liesen. Et gett och eng Sandkëscht fir ze dran ze spillen.
Kanner Atelier’en
All Atelier ass all Dag buchbar an dauert 60 Minutten. Just 1 Famill (oder Haushalt) pro Atelier.
–Fir Kanner an der Spillschoul:
„Roudkäppercher“
lauschtert Geschicht an da maach och du Fangerpoppen vun de Personnagen aus der Geschicht. Zesummen spille mir dann eis eege Versioun vum Märchen.
Präis: 7,5 Euros
„De Gestiwwelte Kueder“
lauschter d’Geschicht vun dësem aussergewéinlechen Déier an bastel mat mir deng eege Kaz.
Präis: 7,50 Euros
–Fir d’Kanner am C2: „Bräileffelspoppen“
mir kucken zesummen wéi eng Personnagen an de Geschichten ëmmer erëm optauchen a bastelen dann eisen eegenen mat engem Bräileffel.
Präis: 10,00 Euros
–Fir d’Kanner am C3: „Reimen ouni ze keimen“
mir liesen zesummen witzeg Gedichter a kucke op mir dat och hi kréien ouni ze keimen. A fir dass mir op eppes hunn wou mir kennen dra schreiwen, bastele mir och nach e klengt Heft.
Präis: 7,50 Euros
–Fir d’Kanner am C4: “ The Witches: Buch versus Film“
du hues de Film gesinn? Da lies elo d’Buch a maach mat beim Battle Film/ Buch fir ze kucken wat di besser Versioun vum Roald Dahl senger Geschicht ass.
Präis: 5,00 Euros
Liesgruppen
Mir bidden folgend Liesgruppen / Liesclubs a Kollaboratioun mat der Librarie Zimmer vun Diekirch un:
Kanner Liesclubs : een Däitschen an e Franséischen. Mir treffen eis all zwou Wochen.
- Kanner 8-10 Joer: samschdes vun 9:30 bis 10:30
- Kanner vun 10-12 Joer: samschdes vun 10:30 bis 11:30
Präis: 30 Euros pro Kand plus de Präis vun der Bicher fir 6 Treffen.
Liesgruppen fir Erwuessener:
Littérature française: mercredi de 19:30 à 21:00h
Deutschsprachige Literatur: Donnerstags 10:00-11:30 Uhr
English language literatur: fridays from 10am to 11:30am
Präis: 5 Euros pro séance plus de Präis vum Buch
De Buttek
Zesummen mat verschidden Atelier protégé an aaner sozial Projeten bidde mir iech eng Partie Produiten un déi all eppes mat Geschichten ze sinn hunn, éwéi Erzielschierteger oder Lieskëssen vum Forum d’Emploi.
Och lokal Kënschtler verkafen hei Saachen. Wéi zum Beispill d’Myriam Weber vun Steinreich wat seng Geschichtesténg ubidd, oder d’Jess Theis wat Roudkäppchen Postkaarten ausgeschafft huet fir eise Bomien ze schécken. Den ATP huet flott Poschen an Pouster an der Maach.
Du hues eng Iddi oder e Produit deen eppes mat Geschichten ze dinn huet? Da meld dech bei eis. Mir frëeen eis op dech.
Wéini ass op?
- Montag
- Geschlossen
- Dienstag
- 09:00 – 12:00, 13:00 – 18:00
- Mittwoch
- 09:00 – 12:00, 13:00 – 18:00
- Donnerstag
- 09:00 – 12:00, 13:00 – 18:00
- Freitag
- 09:00 – 12:00, 13:00 – 18:00
- Samstag
- 09:00 – 12:00, 13:00 – 18:00
- Sonntag
- Geschlossen
Präis
Memberschaft an der Tauschbibliothéik ass gratis
Formule „Lies a Spill“ : 7, 50Euros pro Famill fir 45 Minutten
Wann et erëm erlaabt ass, kënn Dir selbstverständlech och just eppes konsomméieren ouni Aktivitéit.
Kontakt a Reservatioun
Gären huele mir är Reservatioun per Telefon oder Mail un.
Tél.: 26 80 37 16
Email: info@bonzennenbonzuewen.com
Address
Vun der Gare sinn et 10 Minutten zu Fouss.
De noosten Busarrët ass „Diekirch Kluuster“.
Hannert dem Gebäi ass e Velosparking.
Storytime s.à r.l.5 Esplanade / L-9227 Diekirch / Tel: 26 80 37 16
RCS: B247160 / VAT: LU32441207 /IBAN: LU49 0019 5755 9430 6000
