Servicer

Fir Kanner

Kanner Kniwwelkëscht

Emol de Mount kënnen Kanner tëschten 6-12 Joer alleng an de Bonzënnen Bonzuewen kommen fir zesummen kreativ ze schaffen. Mir bastelen, entwerfen an designen Saachen déi eis et erméiglechen vill Geschichten z’erfannen.

Präis. 25,00€ (2 Stonnen)

Tauschbibliothéik

Mir hunn Bicher fir d’Bëbeeën bis zu Kanner vun 12 Joer déi dir kënnt ausléinen. Wann dir d’Buch wëllt halen, dann kuckt dach mol einfach wat dir soss nach am Bicherregal stoen hutt wat engem aner eng Freed kéint maachen. Mir akzeptéieren just Kannerbicher als Tauschwuer.

Präis: gratis!

Liesgruppen

Är Kanner liese gären? Mir wëllen ee Grupp fir Kanner grënnen déi sech regelméisseg treffen an iwwert hir Lektur sech ausstauschen. Bei Intressi, einfach mellen.

Gebuertsdeeg

Ärt Kand kann bei eis Gebuertsdag feieren. Eng Kombinatioun vun Geschichten, bastelen a Spiller zu enger Rei vun Themen kënne mir iech ubidden (Gebuertsdag Goûter mat abegraf).

Präis: 2,5 Stonnen

-tëschent 3-6 Kanner: 150€ plus 10€/Kand

-tëschent 7-12 Kanner: 200€ plus 10€/Kand

Fir Erwuessener

Elteren Treff

Zweemol de Mount Donneschdes Moies kënn dir aaner Elteren mat jonke Kanner treffen. Fir ze schnëssen, sech auszetauschen, fir ze spillen. D’Véronique Nilles vun der Eltereschoul Norden-Westen vun der Fondatioun Kannerschlass ass mat dobäi fir Berodung an Ënnerstëtzung.

Präis: 5,00€/Famill (2 Stonnen)

Bi Ba Butzen

Dëse Workshop ass fir Elteren an hir Kanner tëschent 2-4 Joer. All Woch steet een aanert Thema um Programm an et gëtt zesummen gelies, gelauschert, gebastelt an gespillt. All Freides mëttes an Samschdes moies fir 1 Stonn.

Präis: 9,50€/Kand. Abonnement fir 10 Seance: 80,00€ (12 Méint gülteg)

Elteren-Kand Workshop

Emol de Mount kënn dir mat äre Kanner tëschtent 5 an 12 Joer zesummen eng Aktivitéiten ënnerhuelen déi mat Geschichten an Fantasie ze dinn huet. Esou ginn mol Handpoppen gemaach, Geschichtekaarten gemoolt oder och ee Märchen erfonnt. Am Agenda fann dir d’Datumer.

Präis: 15,00€/Persoun. (2 Stonnen)

Fraen Owend: Geschnëss’s, Gebraddels an Gegackers

Einfach mol erëm zesumme laachen. Dat deed esou gutt. Komm mir huelen eng Alternative Perspektiv op d’Liewen a mir kucken dat Positivt an allem ze gesinn, an eis net ëmmer esou seriö ze huelen. Emol de Mount, Donneschdes owes. Kuck um Agenda fir de nächsten Datum.

Präis: 5,00€/Persoun

Bicherclub

Fir all Liesfrënn an déi di gären iwwert Bicher schwätzen. Mir gesinn eis eemol de Mount Donneschdes Owes um 19:30 Auer fir iwwert e bestëmmtent Buch ze schwätzen. Mir versichen Bicher ze proposéieren déi a méi wéi enger Sprooch publizéiert gi sinn. Di aktuell Lëscht vu Bicher an den Datumer fann dir hei drënner.

Präis: 5,00€/Persoun

Locatioun vun engem Sall

Dir wëllt eng kleng Soirée ënner Frënn, hutt eng Versammlung vun engem Veräin, oder sicht eng Plaz fir roueg ze schaffen? Mir hunn Säll fir 2-3 Leit an e Sall fir bis zu 18 Leit déi mir iech stonneweis kënne lounen. Gedrenks. Service an eppes Klenges fir ze knabberen kann och organiséiert ginn.

Fir Gruppen

Dir sidd eng Schoul, eng Klass, eng Maison Relais a sicht eng flott Plaz fir een Ausfluch? Mir kënnen iech do flott Formule proposéieren fir de Kanner een onvergieslechen Dag zu Diekirch ze bidden.

Info an Reservatioun


Storytime s.à r.l. s.i.s. /5 Esplanade / L-9227 Diekirch / Tel: 26 80 37 16
RCS: B247160 / TVA: LU32441207 /IBAN: LU49 0019 5755 9430 6000

%d Bloggern gefällt das: